कविता: आयुष्याची भटकंती - संजय उपासनी

कविता: आयुष्याची भटकंती - संजय उपासनी

आयुष्याची भटकंती
माझी फार फार झाली
कधी पेटली रे होळी
कधी लाभली दिवाळी //१//

आयुष्याची भटकंती
कधी लाभले जहर
कधी लाभले अमृत
सम मानले मी दोन्ही //२//

अपमान नि उपेक्षा
कधी दुर्दशाही झाली
कधी सत्कार सन्मान
कधी श्रीफळ नि शाली //३//

अंधाराला प्रकाशाला
साठवून घेतले मी
आले सारे जे वाट्याला
प्यालो अमृत म्हणोनी //४//

आयुष्याची भटकंती
सदा गोड रे मानावी
आणि टाकीत पाऊले
वाट चालत रहावी //५//

पत्ता: संजय राधाकृष्ण उपासनी

[ लेखकाचा पत्ता : ३, महालक्ष्मी, श्री गणेशप्रसाद अपार्टमेंट, वरदविनायक नगर, विजय ममता सिनेमाचे मागे, नाशिक- ४२२०११; मोबाईल – ९८२२४५२२४७ ]


comments powered by Disqus