गझल: तू - प्रकाश क्षीरसागर

गझल: तू - प्रकाश क्षीरसागर

मजला कधीच मित्रा खड्ड्यात घातले तू ,
आणि भले बुरे ते बोलून घेतले तू ||

अवचीत भेटता तू , हसलास ओळखीचे ,
मन मोहरून जाता कोड्यात पाहिले तू ।।

चाळीत राहणारे दुःखात धीर देती ,
अन् मित्र म्हणवणारा प्रेमात टाळले तू ||

आत्म्यास मोह नसतो इच्छात वासनेच्या ,
जवळ नसून सुद्धा देहास चाळले तू ||

रात्री जरी प्रियेला छेडून स्वप्न जाते,
प्रेमातल्या क्षणांना सागर वाटले तू||

प्रकाश रामचंद्र क्षीरसागर
अर्नेस्टिना, थोरले भाट, ताळगाव, गोवा


comments powered by Disqus